Евгениј Пригожин ги повика Русите да не веруваат во она што им го кажуваат на државната телевизија.
„Кога ќе ви кажат дека приватната воена компанија „Вагнер“ го нарушувала бизнисот и затоа нешто на фронтот пропадна… работите на фронтот не се срушија поради таа причина“, рече тој во новото видео објавено на Телеграм.
„Изгубена е огромна количина на територија. Убиени војници, три, четири пати повеќе од она што е напишано во документите што му беа презентирани на врвот (раководството)“, додаде тој.
„Гардијан“ не можеше да ги потврди тврдењата на Пригожин.
Водачот на платениците во видеото вели дека се наоѓа во воениот штаб на Ростов на Дон, кој е клучна логистичка база за руската офанзива во Украина.