Претседателот на Управниот одбор на Лукоил е пронајден мртов во Москва. Според неофицијални информации, Равил Маганов бил пронајден мртов на теренот на клиничкиот центар. Наводно Маганов паднал од шести кат во болницата.
Од Лукоил не се огласиле во врска со оваа несреќа. Не се знае зошто Маганов (67) бил во болница. Ова е уште една во низата мистериозни смртни случаи на луѓе блиски до рускиот претседател Владимир Путин.
На чело на Управниот одбор е од 2020 година, а претходно беше потпретседател на компанијата од 2006 година. Неговото тело го пронашле вработените во болницата.