Авионот „Боинг 737 MAX 8“ на „Американ ерлајнс“ беше евакуиран на Меѓународниот аеродром во Денвер (DEN) откако избувна пожар на слетувачкиот механизам за време на полетувањето.
🚨#BREAKING: Watch as People evacuate from a American Airlines jet after a left main wheels caught fire
Watch as passengers and crew evacuate American Airlines Flight 3023, a Boeing 737 MAX 8, at Denver International Airport. The Miami-bound jet was forced… pic.twitter.com/RmUrXYj5Jp
— R A W S A L E R T S (@rawsalerts) July 26, 2025
Летот AA3023, насочен кон Мајами (MIA), превезуваше 173 патници и шест члена на екипажот. Сите патници безбедно се симнаа од авионот, додека пет лица претрпеа полесни повреди, а едeн патник беше однесен во болница.
American Airlines flight AA3023, a Boeing 737-8 MAX, aborted the takeoff on runway 34L at Denver Airport, Colorado, USA. The left main gear collapsed and a small fire broke out. All 176 passengers and 6 crew members evacuated safely.pic.twitter.com/6kAAfFU4EN
— Aviation Safety Network (ASN) (@AviationSafety) July 27, 2025
Според официјалното соопштение од авиокомпанијата, причината за инцидентот е механички проблем со гумите. Авионот достигна брзина од 127 јазли (235 км/ч) за време на полетувањето на пистата 34L кога полетувањето беше нагло прекинато. Снимките што ги споделија патниците на социјалните медиуми покажаа густ чад и пламен што доаѓаше од задниот дел на трупот додека патниците се спуштаа по лизгалките за евакуација.
Службите за итни случаи на аеродромот брзо реагираа и го изгаснаа пожарот, кој „Американ ерлајнс“ го опишаа како „мал, локализиран пожар во сопирачките“ предизвикан од комбинација од пукање гума и ненадејно сопирање.
Еден патник, Марк Цуркис, рече дека слушнал „силен звук“ и видел тркало како „поминува покрај авионот“ кога тој застанал. Чадот предизвикал паника кај патниците.
Иако применливите безбедносни процедури за време на евакуацијата се јасни – багажот мора да се остави во кабината – многу патници понеле рачен багаж, вклучително и рачни торби, со себе. Ова однесување претставува сериозен ризик по безбедноста, бидејќи ја забавува евакуацијата и може да ги блокира патеките.