Демонстранти денеска повторно почнаа да се собираат на улиците во повеќе градови во Мјанмар, иако е наложено распоредување на војска и зајакнати репресивни мерки.
Неколку стотици луѓе протестираат во Јангон, економската престолнина на Мјанмар.
Полицијата со водени топови и оклопни возила е распоредена на повеќе места во Јангон, без масовно воено присуство во оваа фаза.
Демонстрантите во близина на оклопните возила истакнаа транспаренти на кои се повикува на отпор и граѓанска непослушност.
Полицијата вчера отвори оган врз демонстрантите, војската распореди свои трупи во неколку градови, а интернетот беше во прекин.
Војската на Мјанмар на 1 февруари ја презеде власта, ја собори владата и премиерката Аунг Сан Су Чи, воведе полициски час во неколку градови и забрани собири на повеќе од пет луѓе.