Трета година по ред, САД забележаа повеќе од 600 масовни престрелки за една година, покажуваат податоците на непрофитната организација Gun Violence Archive (GVA), а вкупниот број на убиени од огнено оружје достигна 39.816.
Според организацијата, досега оваа година имало 609 злосторства во кои четири или повеќе лица, не сметајќи го вооружениот напаѓач, биле застрелани – што ги става САД на пат да достигнат 675 масовни престрелки до крајот на годината.
Весникот Хил потсетува дека минатата година имало дури 690 масовни престрелки низ САД, што е зголемување од 610 во 2020 година и 417 во 2019 година.
Претходно оваа недела, пет лица беа убиени во масовно пукање во ноќниот клуб Q во Колорадо Спрингс, а уште шест беа убиени во средата во Волмарт во Чесапик, Вирџинија.