Министерството за здравство на Иран денес објави дека досега во израелско-американските напади се убиени повеќе од 230 деца, а приближно 1.800 се повредени.
Во соопштението се наведува дека најголем број смртни случаи се регистрирани во провинциите Техеран и Хормозган, додавајќи дека меѓу ранетите има 4.163 жени, објави иранската државна телевизија.
Меѓу повредените има 1.731 дете под осум години и 61 дете под две години.
Министерството додаде дека меѓу загинатите има 244 жени, 214 деца под 18 години и 17 деца под пет години.
Според министерството, за време на нападите оштетени се 50 установи за итни случаи, 41 медицински центар и 199 здравствени установи, а шест болници се евакуирани, додека 38 амбулантни возила се оштетени.
Во извештајот се наведува и дека 24 здравствени работници загинаа на фронтот додека извршуваа медицински интервенции.