Повеќе новинари беа убиени во 10 недели војна во Газа отколку за една година во сите други земји

Од:

Повеќе новинари се убиени во Газа за време на 10-неделната војна меѓу Израел и Хамас отколку за една година во сите други земји, објави денеска Комитетот за заштита на новинарите.

„До 20 декември 2023 година, најмалку 68 новинари и медиумски работници се убиени од почетокот на конфликтот на 7 октомври. Меѓу тие 68 новинари имало 61 Палестинец, четворица Израелци и тројца Либанци“, се вели во соопштението на КЗН.

Комитетот исто така изјави дека е загрижен поради тоа што израелската армија ги напаѓа новинарите и нивните семејства. Најмалку еден новинар е убиен на место каде што немало борби иако носел јасни медиумски обележја.

Двајца новинари пријавија дека им се заканувале од израелски официјални лица и офицери на израелските одбранбени сили (ИДФ) пред да бидат убиени членовите на нивните семејства.

Во соопштението КЗН наведува дека се уште ги истражува околностите за смртта на сите 68 новинари, но дека истрагата е попречена од страшното уништување во Газа.

ИДФ соопшти дека не може да ја гарантира безбедноста на новинарите додека известуваат од Газа.

Би можело да ве интересира

Во израелскиот напад на градот Газа загинаа 29 лица, десетици се повредени

ВАФА: Во денешните израелски напади врз Појасот Газа загинаа 25 лица

Горан Наумовски

САД: Повеќето од заложниците кои ги држи Хамас се мртви

МекГолдрик за Газа: Ситуацијата е едноставно катастрофална

Нетанјаху: Израел е на чекор до победа во Појасот Газа

Израел ги повлече сите копнени сили од јужниот дел на Газа, освен една бригада

Горан Наумовски