Украинскиот претседател Петро Порошенко денеска изјави дека доколку во источна Укрина не биде воспстваен мир, тој ќе биде принуден да прогласи воена состојба во земјата.
– Уште пред средбата во Минск на седница на Владата предупредив дека ако нема мир, ќе бидеме принудени да ја донесме многу тешката одлука за прогласување воена состојба, изјави Порошенко за време на церемонијата на предавање нова опрема на украинските погранични сили.
Како што јави ТАСС, Порошнеко нагласи дека доколку биде прогласена воена состојба таа нема да се однесува само на реоните на Доњецк и Луганск, туку и на целата територија на Украина.
Според најавите од Киев, за текот на најновите случувања на истокот од Украина Поршенко попладнево ќе разговара со шефот на француската држава Франсоа Оланд, со германската канцеларка Ангела Меркел и со американскиот претседтаел Барак Обама.
Во меѓу време, проруските сепаратисти од Доњецк обвинија дека при артилериски напад на украиснките сили врз градот, биле убиени еден маж и една жена.
Според очевидци, гранатата паднала во близина на резиденцијата на лидерот на сепаратистите во Доњецк, Александар Захарчнко.