Антиимигрантската партија Алтернатива за Германија има значителна поддршка во целата земја, покажуваат резултатите од третата последователна анкета.
Алтернатива за Германија има поддршка од 12 проценти од Германците и е трета политичка партија, по двете основни германски партии кои се во составот на коалицијата на канцеларката Ангела Меркел.
Поддршката за Демохристијанската унија и нејзината баварска партија Христијансоцијалната унија е 35 отсто, а нивниот коалициски партнер Германска социјалдемократска партија – 24 проценти.
Зелените и Левите се поддржани од девет проценти, а за либералните Слободни демократи се изјасниле помалку од пет отсто од анкетираните.