Поранешниот шеф на военото разузнавање на Руанда, Емануел Карензи Караке, нема да биде екстрадиран од Велика Британија во Шпанија, одлучи денеска Вестминстерскиот суд во Лондон, пренесоа светските агенции.
-Процедурата денеска беше прекината, изјави портпаролот на судот, цитиран од француските медиуми.
Тој додаде дека обвиненијата што беа соддржани во наредбата за приведување не се прекршувања на законот, што се покриени од британската процедура за екстрадирање.
Според шпански судски извор, британскиот суд проценил дека Велика Британија нема компетенции да се произнесе за овој тип злосторства кои не биле извршени на британска територија.
Генерал Караке (54) беше уапсен на 22 јуни на лондонскиот аеродорм Хитроу врз основа на европска наредба за приведување, издадена од Шпанија, потсетуваат британските медиуми.
Караке е баран од Шпанија по обвиненија за воени злостроства за време на геноцидот во Руанда во 1994 година, како и за убиство на тројца шпански државјани, кои работеле за организацијата „Лекари без граници“.