Поранешниот директор на руската Федерална служба за извршување казни, Виктор Свиридов денеска изврши самоубиство во судницата на московскиот суд откако му беше изречена казна од три години затвор под обвинение за корупција.
Судот Чертановски во Москва потврди дека Свиридов починал на самото место откако со пиштол пукал во себе.
Russian ex-prison boss commits suicide in court – https://t.co/59SbFdO4iN #ViktorSviridov #suicide #Moscow
— Daily Tribune (@tribunephl) February 12, 2020
Свиридов кој боледуваше од рак беше осуден на три години затвор поради изнуда на 10 милиони рубљи (158.500 долари).
Свиридов, претходно се изјасни за виновен, а неговите адвокати побараа да не биде осуден на затворска казна.
Во тек е истрагата како обвинетиот успеал да внесе пиштол во судницата.