Соларниот авион Импулс 2, кој треба да ја прелета Земјата без капка гориво, денеска непланирано слета во Јапонија поради лошите временски услови над Пацификот.
Според планот од седум етапи, пилотот Андре Боршберг требало за шест дена да прелета од кинескиот град Нанкинг до Хаваи, пат долг 8.500 километри.
Поради лошите временски услови авионот денеска безбедно слета на аеродромот Нагоја во централниот дел на Јапонија.
Летот од Нанкинг до Хаваи е најдолгата етапа на патот околу светот, кој има 12 етапи во 25 дена лет. Патувањето почна во Абу Даби во март, а целта е промовирање на користењето на чиста технологија и обновливи извори на енергија.