Израелскиот премиер Бенјамин Нетанјаху изјави денеска дека бранот од антисемитизам и „исламизација“ во Западна Европа, го тераат Израел да ја зајакнува трговијата со Азија.
Европа е најголемиот трговски партнер со Израел. Но продлабочените дипломатски спорови за политиката во однос на Палестинците и антиизраелските инциденти како оној на 9 јануари, кога исламисти нападна продавница за кошер храна во Париз, предизвика вознемиреност во Тел Авив.
Нетанјаху, кој е исто така министер за финансии и приврзаник на слободниот пазар, ги истакна предностите на Кина, Индија и Јапонија во последните две години, во споредба со ситуацијата во Европа.
Тој денеска ќе биде домаќин на јапонскиот премиер Шинѕо Абе, кој е во блискоисточна турнеја.
Според израелската статистичка служба, увозот на стоки од Европа во Израел е 45,8 проценти од вкупниот увоз за првите 11 месеци од 2014 година, а извозот за Европа е 35,8 отсто. Израелскиот извоз за Азија е 22,5 отсто, а увозот е 25,4 проценти.