Себастијан Гита, помошник на романскиот премиер Виктор Понта, е обвинет за корупција, вклучувајќи проневера на средства од фондовите на ЕУ и поткупување на претседателските избори.
Тој, меѓу другото, е обвинет и за неплаќање данок и перење милиони евра. На Гита му е забрането да стапи во контакт и со премиерот Понта, кој е под истрага за корупција, да извршува пратеничка функција, како и да го напушти градот во кој живее.
Од своја страна, Гита го обвини Обвинителството за злоупотреби.
Во обвинението против Гита стои и дека на некои Молдавци со романско државјанство им платил 350.000 евра да гласаат за Понта на претседателските избори во ноември минатата година.