Помошникот државен секретар на САД за прашања на западна хемисфера, Роберта Џејкобсон денеска ќе биде во посета на Хавана каде ќе престојува до 24-ти јануари.
Агендата опфаќа разговори за технички и логистички прашања како што се операции на амбасадата, прашање на персонал и обработка на визи, соопшти Стејт департментот.
Во него се додава дека повторното воспоставување дипломатски односи со Куба е клучен чекор за спроведување промени во американско-кубанските односи кои американскиот претседател Барак Обама ги најави на 17-ти декември.
Џејкобсон ќе има средби и со членови на независното цивилно општество како и со верски претставници и независни бизнис лидери.