Поранешниот јужнокорејски претседател Ли Мјунг Бак, кој беше осуден на 17 години затвор за корупција, денеска доби помилување од претседателот, соопшти министерот за правда во Сеул.
– Ли е на списокот од повеќе од 1.300 осуденици кои добија специјално помилување „во рамките на поширокото национално единство преку помирување, толеранција и почитување, изјави министерот Хан Донг-хун по состанокот на Советот на министри со шефот на државата Јун Сук-Јеол.
Ли требаше да ја одлежи затворската казна до 2036 година, кога ќе наполнеше 95 години.
Во јуни, Ли беше условно пуштен од затвор со кауција поради неговата возраст и болест.
Извор: МИА