Полскиот премиер Доналд Туск денеска побара Парламентот да гласа за доверба на неговата Влада, поради скандалот со тајните записи од разговорите на високи владини претставници, кој ја предизвика најсериозната политичка криза во Полска во последниве години.
– Му предлагам на претседателот на Сејмот да организира гласање на доверба во најскоро можно време – изјави Туск.
Аналитичарите проценуваат дека Владата на Туск ќе го преживее гласањето, бидејќи неговата партија Граѓанска платформа и нејзиниот помал коалициски партнер, Полската народна партија (ПСЛ) имаат стабилно мнозинство во Парламентот.
Веднаш по барањето на Туск, ПСЛ соопшти дека нејзините пратеници ќе ја поддржат Владата.