Еден полски војник е убиен, а двајца други се ранети денеска при самоубиствен бомбашки напад во Авганистан, соопшти Ккомандата на Армијата на Полска.
Во соопштението се нагласува дека полскиот војник бил убиен кога бомбаш-самоубиец активирал бомба што ја носел со себе, додека крај него минувале колона возила на Меѓународните сили за поддршка на безбедноста (ИСАФ) во Авганистан. Убиениот војник бил возач на едно од возилата на ИСАФ.
Според полската Армија, двајцата ранети војници се вон животна опасност.
Претходно, командата на ИСАФ во Кабул соопшти дека денеска при напад врз припадници на Меѓународите сили биле убиени тројца странски војници и биле ранети 13 цивили.
Во соопштението на ИСАФ се псочува дека нападот, за кој одговорност презеле талибанските бунтовници, се случил недалеку од Амбасата на САД во Кабул.