Суд во Полска го прогласи вчера за виновен римокатолички свештеник за сексуално злоставување малолетни деца и го осуди на седум години затвор.
Суд во Вроцлав му забрани на 44-годишниот свештеник да работи со млади луѓе до крајот на животот и побара за него психолошки третмани. Свештеникот е именуван само како Павел К. во согласност со полските закони за приватност.
Уапсен бил во декември 2012 година во хотел во кој се пријавил со тинејџер, што предизвикало сомневање кај вработените во хотелот во Вроцлав кои го пријавиле. Фотографии од неговите жртви се пронајдени во неговиот компјутер.