Украинската армија во моментов нема шанси да ги врати изгубените територии, изјави поранешниот командант на полските копнени сили, генерал Валдемар Скшипчак.
Во интервју за радиото ТОК ФМ, чии делови пренесе рускиот портал Спутник, тој рече: „Во суштина, во овој момент нема шанси да се ослободи оваа територија“.
„Русите ги обновија своите способности, што, меѓу другото, резултираше со интензивни воздушни, артилериски и беспилотни напади врз критичната инфраструктура на Украина“, истакна генералот, додавајќи:
„Русите полека добиваат стратешка предност во однос на украинската армија, која, за жал, имаше низа неуспеси на бојното поле оваа година“, додаде Скшипчак.
„Украина нема да има излез. Мора да бара решение што ќе и овозможи да опстане“, заклучи генералот.