Седумдесет и шест вработени во прехрамбена фабрика во Квиџини, на северот на Полска се отруле со јаглен-моноксид, а 73 од нив веднаш се пренесени во болница.
Седумина вработени во болницата се примени со симптоми на тешко труење.
Пожарникарите ја евакуирале фабричката сала во која измериле десет пати поголема вредност на јаглен-моноксид од допуштениот, како и продавницата во која што се продава преработено овошје и зеленчук.
Се уште не е позната причината за високата концентрација на отровниот гас, а се претпоставува дека виновници може да бидат гасовите од моторните возила во салата.
Тивкиот убиец, како што Полјаците го нарекуваат јаглен-моноксидот нема боја и мирис, а е виновен што секоја грејна сезона умираат околу 100 лица.
Полицијата и противпожарната единица секоја зима ја потсетуваат државата да ја провери состојбата на грејната инсталација.