Службите за вонреда интервенција во Полска денес се обидуваат да ги исчистат патиштата и да набават снабдување на струја за повеќе илјадници оштетени куќи на истокот на државата. Се проценува дека најмалку пет лица починале од ладното време.
Полското радио пренесе дека повеќе од 100.000 луѓе вчера останале без струја, по снегот и ладното време кое што откорна неколку столбови на кои што се наоѓале кабли.
Државната теливизија на Полска извести дека за викенд паднале 30 сантиметри снег, поради што многу патишта се уште се завеани, пренесе „Би би си“.
Силен снег падна и во Русија, а во Москва достигна 65 сантиметри.
Елена Георгиевска