Полска не презентираше докази дека дроновите соборени над земјата се од руско потекло, изјави денес вршителот на должноста амбасадор на Русија во Полска, Андреј Ордас.
-Сметаме дека обвинувањата се неосновани. Не се презентирани докази дека овие дронови се од руско потекло, изјави тој за РИА Новости,
Рускиот амбасадор во Варшава, Сергеј Андреев, изјави дека Полска никогаш не доставила докази дека Русија го нарушила воздушниот простор на земјата.
Кон крајот на 2022 година, гранати паднаа на полска територија во близина на границата со Украина, при што загинаа две лица. Варшава првично тврдеше дека оружјето е од руско производство, но потоа претседателот Анджеј Дуда призна дека муницијата најверојатно му припаѓала на Киев, според руската агенција.
Полските власти утрово објавија дека собориле неколку руски дронови кои влегле во полскиот воздушен простор преку ноќ, и дека остатоците од едно се пронајдени во близина на Лублин, додека европските претставници изјавија дека станува збор за намерен руски упад.