Полицијата во Белорусија го заостри постапувањето кон демонстрантите, уапсени педесетмина

Од:

Полицијата во Белорусија уапси над 50 лица низ целата земја за време на протестите со кои се бара оставка на белорускиот лидер Александар Лукашенко, соопштија денеска властите.

Белоруското Министерство за внатрешни работи соопшти дека вчера е приведен 51 демонстрант на митинзи во повеќе градови.

Според групата за човекови права Вјасна, 15 лица биле уапсени во Минск, главниот град на земјата, каде вчера се собрале неколку илјади луѓе на плоштадот „Независност“ и покрај обилниот дожд, барајќи оставка од долгогодишниот лидер Александар Лукашенко.

Новите апсења на демонстрантите кои се на улиците повеќе од две недели, следуваа по зголемениот притисок од властите врз опозицијата. Неколку активисти се уапсени во последните неколку дена, додека други беа повикани на разговор, а на десетици демонстранти им е наредено да се појават на суд.

Протестите почнаа по објавувањето на официјалните резултати од претседателските избори на 9 август, според кои Лукашенко го освои шестиот последователен претседателски мандат, со 80 проценти од гласовите.

Би можело да ве интересира

Лукашенко: Подобро диктатура како во Белорусија, отколку демократија како во Украина

Лукашенко: Десет системи „Орешник“ ќе бидат распоредени во Белорусија

Пожар во трговски центар во Белорусија, најмалку 12 лица завршија во болница

Горан Наумовски

Лукашенко помилува 29 лица осудени за екстремистички злосторства

Горан Наумовски

Лукашенко: Нема да има бездомници и паразити

Минск собори два руски беспилотни летала над територијата на Белорусија