Полицијата уапси повеќе од сто демонстранти во Отава

Од:

Канадската редовна полиција, во соработка со коњаничкиот полициски одред, ги потисна толпите демонстранти со намера да ги отстрани од улиците во центарот на Отава, при што беа уапсени повеќе од 100 луѓе.

Полициските сили ги поместуваа возилата кои повеќе од три недели го блокираа центарот на канадскиот главен град за време на протестите против епидемиолошките мерки и ограничувањата.

Поради страв од ескалација на протестите и насилството, полицијата во Отава се обиде да ги растера демонстрантите со изрекување мандатни парични казни на лице место и заканувајќи им се со апсење, додека стотици полицајци паралелно ги расчистуваа централните делови на градот и покрај ниските температури и свежо наврнатиот снег.

Во текот на денот имаше тензични моменти кога дел од демонстрантите беа насилно извлекувани од возилата, а други, кои се противеле на полициските наредби, беа фрлани на земја со врзани раце.

Во полициското соопштение се наведува дека демонстрантите „насилнички се однесувале“, принудувајќи ја полицијата да интервенира.

Извор: МИА

Би можело да ве интересира

Трамп: Царините од 25 отсто за Канада и Мексико ќе стапат на сила утре

Канада и Британија воведоа санкции кон Белорусија по претседателските избори

Трудо поднесе оставка

(ВИДЕО) Авион во Канада принудно слета и се запали

Трамп: Многу Канаѓани сакаат нивната земја да стане 51-ва американска држава

Девојка изгорела во индустриска печка во Волмарт, нејзиното тело го пронашла нејзината мајка