Четири лица загинаа, а 13 се повредени денес во напад на руските сили, кои фрлија седум авионски бомби врз Краматорск, изјави локален украински функционер, пренесе „Укринформ“.
Како што на каналот „Телеграм“ соопшти началникот на воената управа на Доњецката област, Вадим Филашкин, меѓу загинатите има и 14-годишно момче.
Според него, Русите фрлиле седум авионски бомби врз Краматорск и Биленка, при што една погодила станбена зграда, една продавница, а останатите паднале во станбена зона со приватни куќи.