Подарок што полскиот шеф на полицијата го доби за време на неодамнешната посета на Украина, експлодира во седиштето на полицијата во Варшава. Полесно се повредени командирот и еден цивилен вработен, соопшти полското МВР.
Експлозијата се случила вчера околу 7:50 часот, соопшти Министерството, кое не прецизирало каков предмет на подарок добил командантот на полската полиција за време на работната посета на Украина, пренесува АП.
„Полска побара објаснување од украинската страна“
Командантот се сретна со водачите на украинската полиција и службите за итни случаи во неделата и понеделникот, соопшти Министерството.
„Полска побара објаснување од украинската страна“, се вели во соопштението на полското Министерство за внатрешни работи.
Во соопштението објавено денеска, се наведува дека полицискиот командир од вчера е во болница на опсервација, додека последниот повреден цивил не е хоспитализиран бидејќи тоа не било потребно.