Поранешниот египетски претседател Хосни Мубарак пристигна во судот во Каиро, каде денеска ќе почне ново судење против него, откако во јануари беше прифатена жалбата на пресудата, со која му е одредена доживотна казна затвор.
Египетската телевизија прикажа снимки на кои се гледа како Мубарак од амбулантното возило го изнесуваат на носилка и го внесуваат во Полициската академија во Каиро, каде се одржува судењето.
Поранешниот шеф на државата најпрво со хеликоптер бил пренесен од воената болница.
Во судницата на повторното судење пристигнаа и неговите синови Гамал и Али, како и поранешниот шеф на службата за безбедност Хабиб ал Адли.
Привразници на Мубарак се собраа пред зградата на судот, држејќи постери со поранешниот лидер, додека објектот го обезбедуваат зголемен број на припадници на силите за безбедност.
Мубарак минатиот јуни беше осуден на доживотен затвор, бидејќи не успеал да го спречи убиството на околу 900 демонстранти на протестите во 2011 година, со кои беше ставен крај на неговото 29-годишно владеење.