Екипи на НАСА почнаа со полнењето на ракетата чие лансирање е предвидено за денеска. Технолошки напредната ракета со капсулата „Орион“ без екипаж треба да ја обиколи месечината, во рамки на новата програма на НАСА наречена „Артемида“.
Ракетата „Спејс лаунч систем“ висока 98 метри е предвидено да биде лансирана од вселенскиот центар „Кенеди“ во Кејп Канаверал во 8:33 по локално односно во 14:33 по средноевропско време“.
Претставници на НАСА минатата недела посочија на можност од пролонгирање на денешното лансирање, доколку се појави проблем при полнењето на ракетата со гориво.
Како резервни датуми за одложено лансирање се посочени 2 и 5 септември.
Извор: МИА