Рускиот фотограф Дмитриј Марков почина на 42-годишна возраст.
Веста ја пренесоа повеќе локални медиуми, повикувајќи се на извори од пријателите на фотографот и информации од неговото родно место Псков.
Марков беше познат фотограф кој целосно се потпираше на својот мобилен уред Ајфон. Стана познат по снимање и фотографирање делови од Русија, пренесувајќи го секојдневниот живот.
Неговата фотографија со маскиран полицаец кој седи пред портретот на Путин стана симбол на протестите во 2021 година.
Истата фотографија беше продадена на аукција за околу 2 милиони рубљи, а приходот беше наменет за луѓето кои протестираа и го бранеа Навални.
View this post on Instagram