Поранешниот полски комунистички лидер Војчех Јарузелски почина денеска на 90-годишна возраст.
За неговата смрт соопшти поранешниот претседател на Полска, Александар Квашњевски.
На 6 јули Јарузелски ќе наполнеше 91 година. Тој беше последниот од раководителите на социјалистичките земји од Источна Европа од почетокот на ’80-те години од минатиот век.
Од 1985 до 1989 година Јарузелски беше претседател на Државниот совет на Полската народна република, што беше највисоката функција во земјата. Во 1989 година беше избран за претседател на Полска, а во 1990 година се повлече од политичката сцена.