Рускиот претседател Владимир Путин го нарече дијалогот со американскиот претседател Доналд Трамп значаен, искрен и многу корисен.
Путин посочи дека Русија е подготвена да работи на договор со Украина, вклучувајќи и прекин на огнот.
– Американскиот претседател Доналд Трамп го изрази својот став за прекин на непријателствата во Украина, рече Путин.
Москва и Киев мора да најдат компромиси кои одговараат на двете страни, објасни рускиот лидер.
Последен пат двајцата лидери разговараа на 18 март, а тој разговор траеше два часа.
Пред тоа, на 12 февруари разговарале 90 минути.
И двата пати главна тема на разговор беше ситуацијата во Украина.
Интересно е што Владимир Путин денеска се јави од зградата на музичкото училиште на територијата на образовниот центар „Сириус“, што подоцна го потврдија и од Кремљ.
Патем, Владимир Путин и Доналд Трамп секогаш разговараат преку шифрирани, безбедни линии.
Во разговорот учествуваат преведувачи – Путин користи руски, иако зборува англиски, а преговара на својот мајчин јазик.
Трамп потврди дека по разговорите со Путин ќе разговара и со Володимир Зеленски, претседателот на Украина.