Пет лица загинаа во хеликоптерска несреќа во североисточната американска сојузна држава Пенсилванија, соопштија претставници на федералната Агенција за авијација на САД.
Како што пренесува ИТАР-ТАСС, херликоптерот синоќа полетал од градот Бингамтон во државата Њујорк, во правец на градот Лихајтон во државата Пенсилванија. По извесно време леталото исчезнало од радарите и контролорите на летот ја загубиле врската со него.
Според досега достапните податоци, хеликоптерот паднал во шумски предел во близина на градот Ноксон во Пенсилванија.
Причините за несреќата засега се непознати. Во тек е истрага за случајот.