Најмалку пет ракети истрелани од Појасот Газа се уништени денеска над Тел Авив и околината, јави израелското Воено радио.
Поради ракетите се огласиле и сирени, но сите пет ракети се уништени во воздух од системот за ПРО, Железна купола, наведува медиумот.
Утрово бил регистриран ракетен напад и врз централниот дел од Израел. Израел соопшти дека припадници на Хамас во Појасот Газа имаат десетици ракети со голем дострел кои се способни да уништат цели во Израел на поголемо растојание од порано.
Една ракета вчера падна во Хадер, кој е на 100 километри оддалечен од Појасот Газа. Израел вчера започна со офанзива при што бомбардира цели во Газа од воздух и од море во обид да запре ракетирање на својата јужна територија од палестинската област.