Пет лица загинаа, а едно е повредено во сообраќајна несреќа во населбата Ломоносов во Ленинградската област, каде што возачот на автомобил при престигнување прво се судрил со автомобил, а потоа и со друг автомобил на кој наишол од спротивен правец.
Како што е соопштено, несреќата се случила околу 15 часот по московско време на автопатот Соснови Бор – Глобица.
– Возач роден 2003 година, управувајќи „мицубиши лансер“, изгубил контрола при претекнување и се судрил со автомобил „киа рио“. После тоа, се судрил со „фолксваген поло“ што доаѓал од спротивната страна, при што загинале возачот на „фолксвагенот“ и четворица патници – се наведува во полицискиот извештај, пренесува РИА Новости.
Според информациите, судирот го предизвикал возачот на „мицубишито“ кој е хоспитализиран и се наоѓа во критична состојба.
Истрагата за сообраќајната несреќа е во тек.