Вашингтон ѝ ги испрати на Москва параметрите на својот мировен план за Украина, прилагодени по консултациите меѓу САД и Украина во Женева, изјави денес портпаролот на Кремљ, Дмитриј Песков.
– Главните параметри се објавени, а следната недела ќе има разговор во Москва, истакна Песков, според ТАСС.
Тој исто така рече дека Москва навремено ќе го објави точниот датум на пристигнување на американскиот претседателски претставник Стив Виткоф во Москва, со кого руската страна ќе разговара за деталите од мировниот план.
На 23 ноември во Женева се одржаа преговори меѓу украински, американски и европски претставници за нацрт-мировниот план презентиран од Вашингтон за завршување на војната во Украина.
По разговорите меѓу делегациите на двете земји во Женева, Украина и САД се согласија да продолжат да работат на заеднички предлози за мировен договор. Рускиот претседател Владимир Путин претходно изјави дека американскиот план може да биде основа за украинско решение.