Портпаролот на рускиот претседател Дмитриј Песков, ги демантираше денеска информациите дека Владимир Путин наводно итно го напушта самитот Г-20 поради притисокот на кој е изложен поради кризата во Украина, јави ТАСС.
– Тоа е тотална бесмислица, рече Песков.
– Преговарачите постојано го покренуваат тоа прашање. Тоа е вообичаена, рутинска ситуација, додаде Песков.
Западни медиуми ја пренесоа изјавата на руски претставник кој изјавил дека Путин планира да го прескокне работниот дел на самитот на лидерите на Г20 во недела и да го помести своето заминување, откако се нашол под притисок на западните лидери околу кризата во Украина.