Израелскиот претседател Шимон Перес предупреди дека Палестинците би можеле да започнат ново востание доколку Израел не направи повеќе за постигнување мировен договор.
– Доколку нема дипломатско решение, Палестинците ќе се вратат кон теророт. Ножеви, бомби, самоубиствени напади. Дури и локалните жители да не сакаат да го обноват насилството, тие ќе бидат под притисок од арапскиот свет, истакна Перес.
Според него, поголемиот дел од светот веројатно ќе ги поддржи Палестинците, а не Израел.
Со оваа изјава Перес ги зајакна критиките кон премиерот Бенјамин Нетанјаху пред парламентарните избори на 22 јануари.