Пентагон денеска објави дека 51 лабораторија во 17 американски сојузни држави и три странски држави добиле наводни примероци на живи бактерии антракс, како и дека бројот може да се зголеми во текот на истрагата.
Претходно трите странски држави беа идентификувани како Канада, Австралија и Јужна Кореја.
Американското Министерството за одбрана истакна дека нема знаци дека испраќањето на примероците е резултат на намерно дејствување, како и дека нема заразени службеници и дека не постои опасност за цивилното население.