Командантот на литванската воена разузнавачка служба, полковник Елегиус Паулавичиус денеска изјави дека Русија има ресурси да ја продолжи војната против Украина во следните две години.
„Според ресурсите што ги има Русија денес, ние проценуваме дека овие ресурси би биле доволни за војна со ист интензитет како што гледаме денес уште две години“, рече Паулавичиус.
Сепак, шефот на литванската разузнавачка служба рече дека поради „неефикасноста“ и „корупцијата на рускиот режим“ евидентно е дека Москва не може самостојно да го обезбеди својот економски и технолошки развој.