Партијата на казахстанскиот претседател Нурсултан Назарбаев, Светлина на татковина (Нур Отан), победи на вчерашните парламентарни избори во Казахстан, покажаа резултатите на анекетите објавени по гласањето.
Анкетата, што ја спроведе Институтот за демократија, покажува дека уште две партии, Комунистичката партија и Светол пат (Ак Жол) го минале изборниот праг, односно добиле повеќе од седум отсто од гласовите.
Тоа значи дека составот на Долниот дом на Парламентот ќе го сочинуваат истите партии како и досега.
Речиси десет милиони граѓани имаа право на глас на повеѓе од 9.800 гласачки места во Казахстан, земја со 17 милиони жители.