Папата Лав XIV ја критикуваше воената пропаганда, што изгледа како прилично јасна алузија на администрацијата на Доналд Трамп.
Папата, всушност, зборуваше за прикажување на војната како да е видео игра – само неколку дена откако Белата куќа вметна слики од видео игри во својата воена пропаганда за Иран, објавува MS NOW.
Обраќајќи се пред персоналот на италијанската државна телевизија TG2 на 16 март, папата рече дека новинарите треба да „го прикажат страдањето што војната секогаш им го носи на луѓето; да го покажат лицето на војната и да го раскажат низ очите на жртвите, за да не се претвори во видео игра“.
„Секогаш, а особено во драматичните околности на војната, какви што моментално доживуваме, медиумите мора да се чуваат од опасноста да станат пропаганда“, рече папата Лав.
„А задачата на новинарите, да ги проверуваат вестите за да не станат портпароли на оние на власт, станува уште поитна и деликатна – би рекол, клучна“ – порача тој.
Коментарите на папата уследија по слична осуда од кардиналот од Чикаго, Блејс Купич, кој објави соопштение во кое ја осудува употребата на снимки од акциони филмови и видео игри во воената пропаганда на администрацијата на Трамп.