Папата Франциско ја посвети својата денешна молитва во Ватикан на Сирија и ја повика меѓународната заедница да вложи напори за мирно решение на крвавата граѓанска војна во оваа земја.
– Длабоко сум потресен од актуелната состојба во светот, каде, и покрај сите алатки кои и се на располагање на меѓународната заедница, тешко можеме да се договориме за заедничка акција за мир во Сирија и во другите делови на светот, изјави папата Франциско.
Во минатонеделната молитва, папата го осуди користењето на хемиско оружје во војната во Сирија.