Екстремистичкото движење на пакистанските талибанци „Техрик-и-талибан Пакистан“ предложи на властите и на воената команда во земјата да склучат примирје, но под неприфатливи за официјален Исламабад услови.
Писмото со условите за мирно решение талибанците го објавија денеска преку пакистанската сателитска телевизија „Гео-ТВ“.
Дел од барањата на екстремистите се: Уставот на Пакистан да биде синхронизиран со нормите на Куранот и Суната, сите активни антиисламски закони во земјата да бидат откажани, властите да престанат да го поддржуваат Западот и активностите на НАТО во соседен Авганистан, а пакистанската армија да биде трансформирана во „вистински исламски вооружени сили“.