Парламентот во Пакистан едногласно усвои резолуција со која ги осуди новите карикатури на пророкот Мухамед, кои се објавени во најновото издание на францускиот сатиричен неделник „Шарли ебдо“.
– Ја повикуваме меѓународната заедница, вклучувајќи ја и ЕУ, да не дозволат повеќе ова да се повтори, се наведува во документот.
По седницата пратениците се собраа на митинг пред зградата на Парламентот во Исламабад.
Министерот за железнички сообраќај, Саад Рафик на митингот прашал „зошто луѓето од западниот свет го прават тоа, иако знаат дека казната за таквиот потег е смрт според шеријатот?“.