Иран е речиси целосно отсечен од надворешниот свет откако властите го блокираа интернетот и другите комуникациски канали. И покрај ова, пораки за поддршка на демонстрантите пристигнуваат од странство, вклучително и од Реза Пахлави, син на последниот шах на Иран соборен од Исламската револуција во 1979 година.
– Добив сигурни извештаи дека Исламската Република се соочува со сериозен недостиг на платеници кои би можеле да се соочат со милионите луѓе на улиците. Досега, многу членови на вооружените и безбедносните сили ги напуштија своите позиции или не ги послушаа наредбите, рече Пахлави.
Она што му останува на Хамнеи (врховниот лидер на Иран) е помал број насилни платеници кои, како и нивниот криминален водач, не се Иранци и се против Иран и ве сметаат вас – големата иранска нација – за свој непријател. Знајте дека ќе се соочат со последици за своите постапки“, рече Пахлави во видео објава на социјалните медиуми.