На социјалните мрежи беа објавени фотографии од ракета која наводно паднала на територијата на Белорусија. Не е можно самостојно да се потврди автентичноста на фотографиите.
Белоруската агенција Белта јавува дека станува збор за украинска ракета С-300, но властите од Киев се уште не ги коментирале овие наводи и нема официјална потврда дека проектилот дошол од Украина.
Ракетата паднала во регионот на Брест.
Белоруската новинарка Хана Лиубакова на Твитер објави фотографија од деловите од ракетата и дека засега нема потврда за жртви, пишува Гардијан.
#Belarus Officially confirmed: this morning, a S-300 complex missile fell down in Belarus. Lukashenka instructed to create a group of specialists to investigate the incident. There are no casualties.
Propaganda immediately blamed Ukrainians for this. pic.twitter.com/stAAFeCKDc
— Hanna Liubakova (@HannaLiubakova) December 29, 2022
И руската агенција ТАСС пишува дека се работи за украинска ракета.
Белта пренесува дека Министерството за одбрана во Минск истражува дали белорускиот систем за противвоздушна одбрана ја соборил ракетата или тоа е случајност, како што се случи во Полска во ноември.