Осум лица загинаа, а едно дете е повредено при уривање на куќа по земјотрес во Кабул, соопшти Националниот орган за управување со катастрофи на Авганистан.
Земјотрес со јачина од 5,9 степени го погоди регионот Хиндукуш во Авганистан, објави во петокот Германскиот истражувачки центар за геолошки науки (GFZ).
Силно тресење на земјата беше почувствувано во главниот град на Пакистан, Исламабад, главниот град на Авганистан, Кабул и главниот град на Индија, Њу Делхи, според сведоци, пишува Ројтерс.
Земјотресот бил на длабочина од 177 километри, објави GFZ.