Во серија пукотници во Чикаго за време на викендот по повод Денот на трудот, кој паѓа на првиот понеделник во септември, загинаа осум лица, а 50 други беа ранети, соопшти полицијата денес.
Вкупно 58 лица беа застрелани во 37 одделни пукотници низ третиот по големина град во Соединетите Држави од петокот навечер до понеделникот навечер, според прелиминарните податоци.
Во повеќето од пукотниците имало една жртва, но во три случаи биле вклучени повеќе лица, објавува АП.