Ирачката армија изврши денеска воздушен напад врз џихадистички конвој во Сирија, кој се обидувал да се приближи до ирачката граница, при што загинаа осум лица, соопшти ирачкото Министерство за внатрешни работи.
Ирачката армија прв пат презема одговорност за напад во Сирија од почетокот на конфликтот.
Ирачки хеликоптери нападнале конвој од камиони, кои се обидувал да влезе во Ирак, за да и достави гориво на сунитската џихадистичка групацијата Исламската држава во Ирак и Левант, изјави портпаролот на Министерството, бригадниот генерал, Саад Маан.